תוכן השאלה
לכבוד דער ראש ישיבה שליט"א,
מיין ווייב וויל זייער איך זאל פרעגן איבער דעם וואס זי האט געהאט א חלום ווי אונזער זיידע וואס איז שוין נפטר נעמט איר ארום, און זי וויל וויסן אויב עס מיינט עפעס, צי זי דארף זיין דערשראקן?
יישר כח
תשובה מאת הראש ישיבה שליט"א:
יום א' פרשת נח, כ"ה תשרי, שנת תשפ"ה לפרט קטן
לכבוד מיין טייערער ... נרו יאיר
זאג פאר דיין ווייב זי זאל נישט זארגן, זי זאל געבן צדקה לעילוי נשמת דעם זיידן. אויבן אין הימל ווארטן די נשמות זייער שטארק אז מען זאל טון עפעס גוטס פאר זייער נשמה, און אז מען לייגט אריין א פרוטה אין פושקע לעילוי נשמת א זיידע אדער באבע - ווערט זיי זייער גוט.
ווער רעדט נאך אויב מען געבט די פרוטות צדקה פארן צדיק אמת, פארן רבינ'ס זאך, צו דרוקן דעם רבינ'ס ספרים וכדומה - איז דאס זייער א גרויסע תיקון פאר די נשמה.
דער אייבערשטער זאל העלפן זאלסט האבן הצלחה אין אלע ענינים.