בעזרת ה' יתברך

יום ד' פרשת אמור, ט"ז אייר, שנת תשפ"א לפרט קטן

לכבוד ... נרו יאיר

איך האב ערהאלטן דיין בריוו.

 רבי נפתלי זכרונו לברכה האט דערציילט פאר רבי נתן אז דער רבי האט אים געזאגט (חיי מוהר"ן, סימן רל): "טּוֹב הָיָה שֶׁיִּהְיֶה לְאִישׁ כָּשֵׁר סוּסִים, שֶׁיִּסַּע בְּכָל פַּעַם עִם בְּנֵי הַנְּעוּרִים לְתוֹךְ אֵיזֶה יַעַר וְכַיּוֹצֵא, וְשָׁם יְדַבְּרוּ יִרְאַת שָׁמַיִם, וְיִהְיֶה לָהֶם הִתְבּוֹדְדוּת וְכוּ', כִּי בְּשָׂדֶה וְיַעַר טוֹב מְאֹד לְהִתְבּוֹדְדוּת", עס איז גוט צו האבן א פערד און וואגן כדי מען זאל קענען גיין התבודדות; היינט איז עס א קאר. עס איז ממש א מחי' אז מען פארט אביסל אוועק פון שטאט און מען גיסט זיך אויס דאס הארץ צום אייבערשטן; מען זוכט א שטילע גאס, א ווינקעלע, און מען גייט אביסל שפאצירן וכו' וכו'; ווי מער א מענטש רעדט צום אייבערשטן האט ער א בעסערע לעבן.

א קאר קענסטו נעמען, געב נאר אכטונג נישט צו האבן אין שטוב די כלים וואס מען קען זיך מחבר זיין מיט נישט גוטע זאכן; אז מען דארף דאס האבן אין אפיס אדער אין קאר איז עפעס אנדערש ווי דאס צו האבן אין שטוב, פארשטייט זיך עס דארף זיין אפגעשטעלט די וועג וואו מען גייט אריין אין נישט גוטע פלעצער.

דער אייבערשטער זאל העלפן זאלסט האבן הצלחה אין אלע ענינים.