תוכן השאלה
לכבוד דער ראש ישיבה שליט"א,
איך האב זיך שוין פארגענומען אז איך ריר מער נישט אן קיין קאמפיוטער, נישט צוצוקומען צו קיין שלעכטע זאכן, און צו מאכן שטערקער די קבלה האב איך גענומען אויף מיר א קנס פון פופציג יורא אויב איך וועל נוצן א קאמפיוטער, מיט דעם אלעם האלט מיינע קנסות שוין ביי הונדערט און פופציג יורא, דאס מיינט אז עס איז מיר זייער שווער זיך איינצוהאלטן און נישט אראפצופאלן.
איך דארף הילף פונעם ראש ישיבה שליט"א, איך דארף חיזוק זיך צו האלטן שטארק, אפילו ווען דער יצר הרע ברענט אין מיר ווי א פייער.
יישר כח
תשובה מאת הראש ישיבה שליט"א:
יום ב' פרשת ואתחנן, י' מנחם-אב, שנת תשפ"ה לפרט קטן
לכבוד ... נרו יאיר
איך האב ערהאלטן דיין בריוו.
אנשטאט זיך קנס'נען מיט געלט - זאלסטו גיין יעדן טאג אין א ווינקל, אין א פעלד אדער אין א שטילע שטוב וואו קיינער איז נישט דארט, און שריי צום אייבערשטן: "הייליגער באשעפער נעם מיך ארויס פון בלאטע, הייליגער באשעפער איך קוק עבירות, איך קוק ניאוף, ראטעווע מיך".
מיט התבודדות, מיט שרייען צום אייבערשטן - וועסטו זיכער ארויסגיין פון דיין בלאטע. דער עיקר זאלסטו געדענקען וואס דער רבי לערנט אונז, אז אפילו מען פאלט אין בלאטע זאל מען נישט שטיין מיט ביידע פיס, נאר פרובירן טאנצן א פוס ארויס א פוס אריין, א פוס ארויס א פוס אריין, דער עיקר נישט שטיין בלייבן מיט ביידע פיס; ווי אזוי שלעפט מען א פוס ארויס? דורך שרייען: "באשעפער ראטעווע מיך, באשעפער קוק וואס איך קוק, באשעפער איך פארשמיר מיינע אויגן"; אזוי זאלסטו שרייען.
דער אייבערשטער זאל העלפן זאלסט האבן הצלחה אין אלע ענינים.