תוכן השאלה
לכבוד דער ראש ישיבה שליט"א,
קודם וויל איך באדאנקען דעם ראש ישיבה שליט"א פאר די זיסע ליכטיגע שיעורים, און פאר'ן נישט מיד ווערן איינמאל און נאכאמאל צו איבערזאגן די זעלבע פשוטע זאכן, ובפרט די עצות און הדרכה אויף שלום בית וואס מאכט אונז זיס דאס לעבן.
מיין שאלה איז אז מיין ווייב וויל זיך יעצט איינשרייבן צו גיין שווימען פאר די זומער, און זי פרעגט מיר אויב עס איז אויסגעהאלטן מיטצונעמען מיין קליינע אינגל פון א יאר אלט, דארט גייען נאר שווימען חסידישע פרויען.
יישר כח
תשובה מאת הראש ישיבה שליט"א:
מוצאי שבת קודש פרשת בהר-בחוקותי, כ"ז אייר, מ"ב לעומר, שנת תשפ"ה לפרט קטן
לכבוד ... נרו יאיר
איך האב ערהאלטן דיין בריוו.
מען דארף זייער אכטונג געבן נישט מיט נעמען אינגלעך ביי א פלאץ וואו פרויען שווימען, אפילו עס שווימען נאר ערליכע פרויען, און אפילו קינדער וואס זענען נאך גאר קליין, וואס קענען נאכנישט רעדן - זאלן חס ושלום נישט זיין אין א סווימינג פאל ווי פרויען שווימען.
דער אייבערשטער זאל העלפן זאלסט האבן הצלחה אין אלע ענינים.