תוכן השאלה
לכבוד דער ראש ישיבה שליט"א,
יישר כח פאר בית פיגא, איך האב זייער הנאה אין בית פיגא.
איך האב געוואלט פרעגן אויב איך מעג אנטון טייץ פאר'ן וואשן נעגל וואסער; איך שלאף אויף א בעט פון צוויי שטאק און איך האב זיך פארגענומען נישט ארויסצוגיין פון בעט אן טייץ, איך וועל זיך פרייען פאר אן ענטפער.
נאך א זאך וויל איך בעטן, עס איז מיר גאר שווער צו זאגן תהלים, אמאל האב איך יעדן טאג געזאגט תהלים, אבער פלוצלונג האב איך אויפגעהערט זאגן; איך וועל זיך פרייען אויב דער ראש ישיבה שליט"א וועט מיר זאגן וואס צו טון.
יישר כח
תשובה מאת הראש ישיבה שליט"א:
יום ב' פרשת וישב, י"ח כסליו, שנת תשפ"ו לפרט קטן
... תחי', תלמידה בית פיגא בני ברק
איך האב ערהאלטן אייער בריוו.
אודאי מעגט איר אנטון די טייץ אין בעט איידער איר וואשט זיך נעגל וואסער, און אזוי איז גוט זיך צו פירן, ארומגיין נאר מיט צוגעדעקטע פיס.
באנייט זיך מיט זאגן תהלים, זאגט אביסל תהלים יעדן טאג, זאגט כאטשיג איין קאפיטל תהילים יעדן טאג. דער רבי האט אזוי שטארק געוואלט מיר זאלן זאגן תהלים, ווייל זאגן תהלים קלעבט צו דעם מענטש צום אייבערשטן. דער הייליגער רבי זאגט (ספר המדות אות התנשאות, סימן כז): "עַל יְדֵי אֲמִירַת תְּהִלִּים נִתְרוֹמֵם", דורך זאגן תהילים ווערט מען דערהויבן; מען ווערט נאנט צום אייבערשטן און מען איז זוכה צו א גוט לעבן.
דער אייבערשטער זאל העלפן איר זאלט האבן הצלחה אין אלע ענינים.