תוכן השאלה
לכבוד דער ראש ישיבה שליט"א,
ווען איך קום אן ביי שמונה עשרה צו די ברכה פון שמע קולינו, מעג מען דעמאלט בעטן דעם אייבערשטן אויף די אייגענע שפראך, אדער דארף מען עס נאר טראכטן?
איך טרעפ זיך ביי שמע קולינו ווי מיינע ליפן שאקלען זיך ביים בעטן זאכן פונעם אייבערשטן דעמאלט, איך ווייס אז ווען מען רעדט צום אייבערשטן סתם אזוי אינמיטן טאג קען מען רעדן אויף יעדע שפראך, איך וויל נאר וויסן אויב ביי שמונה עשרה איז אנדערש.
יישר כח
תשובה מאת הראש ישיבה שליט"א:
יום ה' פרשת תזריע מצורע, ג' אייר, י"ח לעומר, שנת תשפ"ה לפרט קטן
... תחי'
איך האב ערהאלטן אייער בריוו.
עס שטייט קלאר אין הלכה (שלחן ערוך אורח חיים סימן קיט, סעיף א), אז מען מעג בעטן דעם אייבערשטן אייגענע תפילות און בקשות אויף די אייגענע שפראך ביי שמונה עשרה ביי די ברכה פון שמע קולינו, און אזוי האבן זיך געפירט די הייליגע צדיקים, זיי האבן צוגעלייגט אייגענע תפילות ובקשות ביים דאווענען, און זיכער ביי די ברכה פון שמע קולינו; דארט קען מען בעטן אויף וואס מען דארף און בעיקר ביים סוף שמונה עשרה ביי אלוקי נצור, דארט קען מען זיך גוט אויסבעטן ביים אייבערשטן.
דער אייבערשטער זאל העלפן איר זאלט האבן הצלחה אין אלע ענינים.