תוכן השאלה
לכבוד דער ראש ישיבה שליט"א,
איך האב געוואלט פרעגן אויב עס האט פשט אז איך זאל פארן קיין אומאן אויף ראש השנה שוין מיטוואך, וואס דאס מיינט אז מיין ווייב דארפן בלייבן אליין מיט פיר קינדער פאר נאך דריי טעג?
מיין אנדערע אויסוואל איז צו פארן מוצאי שבת, אבער דעמאלט וועל איך נישט האבן קיין געהעריגע צוגעשטעלטע וועגן צו קענען פארן פון לופטפעלד קיין אומאן און צוריק, און עס מיר זייער שווער זיך אליין אן עצה צו געבן צו טרעפן א קאר אדער אן אנדערע וועג צו פארן און קומען, אויב אבער פאר איך מיטוואך איז דא גרינגערע וועגן מיט א באן אדער באס צוגעשטעלט.
יישר כח
תשובה מאת הראש ישיבה שליט"א:
יום ב' פרשת ואתחנן, י' מנחם-אב, שנת תשפ"ה לפרט קטן
לכבוד ... נרו יאיר
איך האב ערהאלטן דיין בריוו.
אז דו קענסט פארן פאר דעם לעצטן שבת - זאלסטו אזוי טון; עס איז נישט גרינג צו פארן נאך שבת און אנקומען די לעצטע מינוט און שלאפן א גאנץ ראש השנה פון טלטל הדרך, ענדערש פאר אפאר טעג פריער און זיין ראש השנה ביים רבי'ן מיט ישוב הדעת.
אויך איז א גרויסע זאך צו זיין א שבת אין אומאן. דער רבי האט געזאגט (חיי מוהר"ן, סימן רצז): "הַשַׁבָּתִים שֶׁשׁוֹבְתִים אֶצְלִי, הֵם גְדוֹלִים וְטוֹבִים יוֹתֵר מִשִּׁבְעָה פְּעָמִים תַּעֲנִית מִשַׁבָּת לְשַׁבָּת", זיין ביי מיר שבת איז מער און גרעסער ווי פאסטן זיבן מאל משבת לשבת.
דער אייבערשטער זאל העלפן זאלסט האבן הצלחה אין אלע ענינים.