בעזרת ה' יתברך
יום ה' פרשת נצבים-וילך, כ"א אלול, שנת תש"פ לפרט קטן
לכבוד ... נרו יאיר.
איך האב ערהאלטן דיין בריוו.
דאס וואס דו פרעגסט, אויב מען וועט נישט עפענען די גרעניץ אין אוקריינא ווילסטו דינגען א האטעל פאר אלע אנשי שלומינו, עס זאל זיין פלאץ פאר אלעמען, מען זאל מאכן א גרויסע קיבוץ וכו'.
אויב די גרעניץ וועט זיין פארשפארט און מען וועט נישט קענען זיין אין אומאן דעם יאר ראש השנה הבא עלינו לטובה, וועל איך זיין מיט'ן אייבערשטנ'ס הילף אין שטעטל, אין קרית ברסלב.
מען וועט מאכן א קיבוץ אינעם בית המדרש אין בארא פארק, אין די ישיבה אין וויליאמסבורג, אינעם בית המדרש אין קרית יואל, מאנסי, סטעטן איילענד און אזוי ווייטער; איך פערזענליך וועל זיין אין אומאן און אז מען קען נישט פארן קיין אומאן בין איך אין קרית ברסלב.
איך ווארט צו הערן וואס דיינע פלענער זענען; אויב דו בלייבסט אין וויליאמסבורג דארף איך אנגרייטן אן אנדערער בעל קורא און א בעל מקריא.
ישועת ה' כהרף עין, מיר האפן צו זיין אין אומאן.