בעזרת ה' יתברך
יום ה' פרשת אחרי ב', כ"ז ניסן, שנת תשפ"ב לפרט קטן
לכבוד מיין טייערער ... נרו יאיר
ברוך אתה [...] שהחיינו וקיימנו והגיענו לזמן הזה! מיר האבן שוין געעפנט די מקוה טהרה, בהשגחת דער דיין שליט"א.
דו ווילסט עס זאל זיין באהאלטן, מען זאל נישט וויסן אז דו האסט עס מנדב געווען; דא קענסטו זיך באהאלטן, אויבן וועסטו זיך נישט קענען באהאלטן, אויבן אין הימל באקומסטו א שיינע היכל, אלע זכותים פון טהרה פון אידישע קינדער וואס נוצן די מקוה - גייט פאר דיין זכות.
דער אייבערשטער זאל דיך בענטשן מיט ישועות.
זע צו לערנען דיינע שיעורים כסדרן בכל יום ויום; מקרא, משנה, גמרא און הלכה; דאס איז אמת'ע עשירות, דאס נעמט מען מיט בזה ובבא.