בעזרת ה' יתברך - יום ד' פרשת ראה, כ"ו מנחם-אב, שנת תשפ"ה לפרט קטן
מרת ... תחי'
איך פריי זיך זייער אז איר האט אויפגעגעבן די סמארטפאון, אזוי וועט איר קענען זיין א פרייליכערע מאמע און געבן די גאנצע הארץ, צייט און מח פאר די קינדער.
בזכות וואס איר האט געטון די שווערע זאך פון אויפגעבן א טעלעפאן וואס איז גאר באקוועם, איר האט בוחר געווען צו פאלגן די צדיקים, די רבנים וואס זאגן אונז וואס איז ריכטיג, וועט איר זוכה זיין צו ערליכע דורות, קינדער און אייניקלעך וואס וועלן זיין ערליכע אידן.
(ווען מיינע עלטער זיידעס זענען אהיים געקומען פון די צווייטע וועלט מלחמה, זענען א טייל פון זייערע קינדער געגאנגען צו צדיקים, זיי האבן געפאלגט די צדיקים, וואס די צדיקים האבן געזאגט האבן זיי געטון; נישט טעלעוויזשן - איז נישט, נישט ראדיו - איז נישט; די אלע האבן איבערגעלאזט ערליכע דורות, די אנדערע קינדער וואס האבן פארשטאנען אז מען דארף נישט אלעס טון וואס דער רב זאגט, מען קען בלייבן א חסיד מיט טעלעוויזשן וכו' וכו' - די אלע האבן נישט קיין דורות השם ירחם).
דער אייבערשטער זאל העלפן איר זאלט האבן הצלחה אין אלע ענינים.
א כתיבה וחתימה טובה, א גוט געבענטשט יאר.