בעזרת ה' יתברך
יום ה' פרשת וישב, כ"ד כסליו, ערב חנוכה, שנת תשפ"א לפרט קטן
לכבוד ... נרו יאיר
בנוגע וואס דו פרעגסט וועגן דעם שידוך וכו', אז דו וועסט דארפן גיין וואוינען וכו'; מיר ווייסן נישט ווי און וואס מיר דארפן טון, מען פירט פון הימל וואו צו וואוינען. אז דער שידוך געפעלט דיר זאלסטו לייגן אין דער זייט אלע טפל'דיגע זאכן און ענדיגן בכי טוב.
נאך די צווייטע וועלט מלחמה האבן די שארית הפליטה נישט געוואוסט וואו צו גיין, זיי האבן זיך אויפגעהאלטן אין לאגער און געווארט זיך צו קענען מסדר זיין.
דער הייליגער סאטמאר רבי זכותו יגן עלינו האט געזאגט: "עס איז מיר אנגעקומען יעדן טאג גאנצע פעק מיט בריוו, אלעס מיט די שאלה וואו מען זאל גיין וואוינען; איך האב זיך נישט געטרויט צו ענטפערן אזא שאלה, נאר דער הייליגער אריז"ל האט געקענט זאגן וואו מען דארף וואוינען לויט יעדנ'ס שורש נשמה"; עס איז א גרויסע אחריות צו זאגן וואו צו וואוינען.
נאכאמאל, טרעף זיך מיט איר און אויב עס האט חן זאלסטו נישט קוקן אויף וואו מען וועט וואוינען.