בעזרת ה' יתברך - יום א' פרשת שמות, ט"ו טבת, שנת תשפ"ו לפרט קטן
מיין ליבער ... נרו יאיר
איך וויל דיך מחזק זיין זאלסט נישט אפלאזן דאס לערנען. וויסן זאלסטו, אין אנהייב איז דאס לערנען אן טעם, אבער אז מען ווארט אויס, מען בלייבט לערנען – ווערט עס זיס, ביז מען וויל דאס מער נישט אפלאזן. אזוי ווי דער רבי האט געזאגט (שיחות הר"ן, סימן יז), ווען מען הייבט אן שפירן די זיסקייט פון די תורה דארף מען שוין מער נישט קיין עולם הבא, מען וויל נאר די תורה אליין.
אויסער דיינע שיעורים וואס דו לערנסט אין כולל זאלסטו לערנען יעדן טאג מקרא איינגעטיילט לויט די טעג פון די וואך, לערן שנים מקרא ואחד תרגום פון די וועכנטליכע פרשה; זונטאג ביז שני, מאנטאג ביז שלישי און אזוי ווייטער, און אויך זאלסטו לערנען משנה, לערן אכצן פרקים משניות יעדן טאג, אויך זאלסטו לערנען די בלאט גמרא פונעם טאג. קומענדיגע וואך דינסטאג פרשת וארא הייבן מיר אן מסכת מנחות; כאפ זיך מיט, לערן יעדן טאג די בלאט גמרא, אויך זאלסטו זאגן די יום תהלים יעדן טאג.
דאווען אלע דריי תפילות מיט מנין, לעש אויס די טעלעפאן ביים דאווענען, דאווען מיט א סידור אויף איין פלאץ, דאווען מיט מנין.
איך האב דיך ליב.