בעזרת ה' יתברך
יום ד' פרשת בא, י"ח שובבי"ם, ג' שבט, שנת תשפ"ג לפרט קטן
לכבוד מיין טייערער ... נרו יאיר
איך האב ערהאלטן דיין בריוו.
בנוגע קומען זונטאג מיט דיין בני בית תחי'; בדרך כלל נעם איך אויף זונטאג נאכמיטאג, אבער היות איך בין טרוד מיט זייער אסאך זאכן; מיט די ישיבה, חדר, בית פיגא, ועוד ועוד - קען זיין אמאל אז איך קען נישט אויפנעמען, איז די בעסטע זאך זאלסט זיך פארבינדן מיטן גבאי הכולל משה ארי' נרו יאיר, ער איז מסדר יעדער זאל קענען אנקומען על צד היותר טוב.
דער עיקר זאלסטו זיך שטארקן מיט שמחה; אז מען איז פרייליך איז דער לעבן גאר אנדערש, נישט אז די לעבן טוישט זיך, נאר מען נעמט אלעס אן גרינגער. דער רבי זאגט (לקוטי מוהר"ן חלק ב', סימן כד) שמחה איז א רפואה פאר אלעס, שמחה היילט אלעס בגשמיות וברוחניות.
דער אייבערשטער זאל העלפן זאלסט האבן הצלחה אין אלע ענינים.