בעזרת ה' יתברך - יום ד' פרשת תרומה, ב' דראש חודש אדר, שנת תשפ"ו לפרט קטן
לכבוד ... נרו יאיר
דאס וואס דו גייסט אריבער וכו' וכו' – דאס איז אלעס למען הבחירה והנסיון, דיך צו אויספרובירן און דיך אויפהייבן זאלסט קומען נענטער און נענטער צום אייבערשטן.
ליבער ברודער, הארציגער חבר, אפילו דו ביסט אזוי צעבראכן און אזוי מבולבל, ביסט אריין אין א קטנות הדעת – זאלסטו זיך מקשר זיין צום רבי'ן און זיך נישט לאזן פארווארפן ווערן. דאס מוזן אלע בהכרח אריבערגיין, אלע צדיקים זענען דאס אריבער, זיי האבן זיך געשפירט אזוי דערווייטערט און אזוי פארווארפן, און ווען נישט וואס זיי וואלטן זיך געשטארקט און זיך נישט נאכגעלאזט – וואלטן זיי פארפאלן געווארן.
דער רבי האט דערציילט אז אפילו דער הייליגער בעל שם טוב איז געווען אין די סכנה, ער פלעגט פלוצלונג שפירן ווי ער האט סיי וויי גארנישט און ער איז פארפאלן, און ווען נישט וואס ער האט זיך געשטארקט וואלט ער חס ושלום אויפגעגעבן, (עיין לקוטי מוהר"ן חלק ב, סימן מח; שיחות הר"ן, סימן מח).
איך קען דיר נאך אסאך שרייבן, אבער איך בין אפגעמאטערט.
שטארק זיך, זיי זיך מחי' מיט דעם אז דו ביסט א איד, זיי זיך מחי' אז דו ביסט געווען אין אומאן ביים הייליגן רבי'ן, און א תיקון וועסטו שוין יא האבן.
דער אייבערשטער זאל העלפן זאלסט האבן הצלחה אין אלע ענינים.
א גוטן חודש.