בעזרת ה' יתברך
יום א' פרשת ויקהל, י"ט אדר א', שנת תשפ"ב לפרט קטן
לכבוד מיין טייערער ... נרו יאיר
איך האב דיר שוין אזוי לאנג נישט געזען, איך האף דו ביסט נאך מקורב צום הייליגן רבי'ן.
אמאל פלעגן מיר זיך זען כאטשיג איינמאל א וואך, ליל שישי; היינט ווען מען קומט זיך צוזאם באזונדער אין קרית יואל, מאנסי, לעיקוואד, ליבערטי; ענק זעען מיר אבער איך זע ענק נישט, עס קען אויסקומען א לאנגע צייט זיך נישט צו זען.
איך האף דו לערנסט נאך דיינע שיעורים כסדרן, מקרא, משנה, גמרא און מדרש. דו ביסט זיך מתבודד, דו גייסט דאווענען די דריי תפילות מיט מנין; איך ווארט צו הערן פון דיר, איך ווארט צו הערן פון די תלמידים, חברים.
שטארק זיך ברודער, באניי זיך, ווער פריש מקורב. דער רבי האט געזאגט (שיחות הר"ן סימן נא): "אלט טאר מען נישט זיין; נישט קיין אלטער חסיד, נישט קיין אלטער למדן", נישט אלט, נאר כסדר זיך באנייען.