בעזרת ה' יתברך - יום א' פרשת ויחי, ה' טבת, שנת תשפ"ה לפרט קטן
לכבוד מיין טייערער ... נרו יאיר
זע מיט אלע כוחות צו זיין פרייליך, אלע צרות, דחקות און מרירות, קומט צום מענטש פון עצבות ומרה שחורה, און אלע הצלחה און ברכות קומט אויב מען איז פרייליך. דער רבי זאגט (ספר המדות אות שמחה חלק ב', סימן א): "מִי שֶׁהוּא שָׂמֵחַ תָּמִיד, עַל יְדֵי זֶה הוּא מַצְלִיחַ", ווער עס איז שטענדיג פרייליך – איז מצליח.
די עיקר הצלחה איז – אז מען האט שלום בית; דורך שמחה איז דא שלום בית, ווען מען איז פרייליך באדערט גארנישט, מען זעט נאר די מעלות איינער אויפן צווייטן.
דו זאלסט נאר זינגען און טאנצן, און פרייליך מאכן דיין ווייב און קינדער; מיט שמחה פארברענט מען אלע קליפות ומשחיתים וואס מען האט באשאפן דורך פוגם זיין בברית רחמנא לצלן, מיט שמחה איז מען זוכה אז דער אייבערשטער איז מוחל אויף אלע עבירות.