בעזרת ה' יתברך - יום א' פרשת בהר-בחוקותי, כ' אייר, ל"ה לעומר, שנת תשפ"ה לפרט קטן
לכבוד מיין טייערער ... נרו יאיר
אלע קרעכצן אין די איצטיגע טעג אויף פרנסה, אלע וויינען 'וואס וועט דא זיין? די פרנסה איז זייער שווער' וכו' וכו'.
וויסן זאלסטו, אלע טעג און אלע צייטן שרייט מען אמאל איז געווען גוט, אמאל האט מען געקענט מאכן געלט, אמאל האט מען געקענט קויפן און פארדינען, און אויך אין אפאר יאר וועט מען וויינען אז אמאל – דאס מיינט מען היינט – איז געווען גוטע צייטן, מען האט פארדינט וכו' וכו'.
איין עצה איז דא, בעטן דעם אייבערשטן אויף די פשוט'ע שפראך, אזוי ווי מען שמועסט מיט א חבר: "הייליגער באשעפער געב מיר שפע, געב מיר פרנסה, געב מיר כח און מח צו קענען ברענגען פרנסה פאר מיין ווייב און קינדער. הייליגער באשעפער איך טו תשובה, איך הויב אן פון יעצט זיין אן ערליכער איד, איך גיי שוין זיין וואויל, זיי מיר מוחל און געב מיר שפע".
איך בין אין ארץ ישראל, איך גיי צו קברי צדיקים, איך בעט פאר דיר.