בעזרת ה' יתברך - ערב שבת קודש פרשת שמיני-ב, כ"ג ניסן, אסרו חג, מברכין אייר, שנת תשפ"ו לפרט קטן
... נרו יאיר
אז די שידוך איז נישט געווארן, די מיידל האט אפגעזאגט – זאל דיר דאס נישט צעברעכן, ערשטנס דאס איז נישט דיין שידוך, צווייטנס דער הייליגער רבי האט אונז מגלה געווען (ספר המדות אות חתון, סימן ז; חיי מוהר"ן, סימן תקצה), אז יעדע שידוך וואס מען רעדט נאר, און זיכער די שדוכים וואס מען גייט שוין ארויס רעדן איינער מיטן צווייטן – דאס אלעס איז אויך א שטיקל געדאנק פון א שידוך, און דאס מאכט די ריכטיגע שידוך זאל אנקומען גיכער.
ליבער ... נרו יאיר, דו מוזט זיך זייער שטארקן, דו טארסט זיך נישט נאכלאזן, דו דארפסט זיך האלטן מיט אלע כוחות; לערן יעדן טאג חומש מיט תרגום פון פרשת השבוע, זאג יעדן טאג תהלים מיט משניות, און זיי מקפיד צו דאווענען די דריי תפילות מיט מנין, און גיי אביסל זיך מתבודד זיין, דערצייל דעם אייבערשטן ווי שטארק דו ווילסט זיין ריין און אפגעהיטן, וועסטו זוכה זיין צו דיין שידוך בקרוב.