בעזרת ה' יתברך - יום ד' פרשת פנחס, י"ח תמוז, שנת תשפ"ד לפרט קטן
לכבוד מיין טייערער... נרו יאיר, קרית ברסלב
שטארק זיך מיט אלע כוחות צו זיין פרייליך. מוהרא"ש דערציילט, ער האט גע'חלומ'ט ווי א נשמה זאגט אים פון הימל: "ווען מענטשן וואלטן געוואוסט דאס גרויסקייט פון זיין פרייליך - וואלט מען זיך געדרייט ווי א רעדל פאר שמחה", און אזוי ווי די נשמה ענדיגט זאגן די ווערטער, זעט ער ווי דער מענטש לייגט אריין זיין קאפ צווישן זיינע פיס און הויבט זיך אן דרייען פון שמחה ווי א רעדל, ביז די רעדל איז אוועק געפארן; דאס איז אונזער עבודה, זוכן אין זיך גוטס און זיין פרייליך.
שמחה איז די שווערסטע עבודה, עס איז גרינגער צו פאסטן תעניתים – ווי צו זיין פרייליך, אבער עס ברענגט צו די העכסטע מדריגות.
איך דארף אפאר אינגעלייט און בחורים וואס ווילן אראפנעמען ארבעט פון מיר אין אומאן, די קהילה וואקסט און די זעלבע דריי אינגעלייט וואס האבן אנגעהויבן ביי אונז אין בנין מיט אונטער הונדערט מענטשן, ווי קענען זיי אפווארטן קרוב צו טויזנט מענטשן... איך טראכט דו ביסט מיר געטריי א גאנץ יאר, אפשר אין אומאן ביסטו אויך גרייט.
לאז מיר וויסן.