בעזרת ה' יתברך - יום ג' פרשת תרומה, א' דראש חודש אדר, שנת תשפ"ו לפרט קטן
שמשון קאהאן נרו יאיר, תלמיד ישיבת היכל הקודש וויליאמסבורג
איך וויל דיר זייער בעטן זאלסט צאמנעמען די בחורים אין א גרופע און ארום גיין פורים ביי גוטע אידן וואס האבן א געפיל צו די ישיבה, צאמנעמען צדקה פאר אונזער ישיבה, און אויך אין שטעטל זאלן די בחורים מאכן א גרופע ארום גיין צו אנשי שלומינו צאמנעמען צדקה פאר די ישיבה. ווייל העלפן די ישיבה און די מוסדות פון הייליגן רבי'ן – איז זייער א הייליגע צדקה, מיר מוטשען זיך זייער, מיר בעטן נישט קיין גרויסע געלט פאר שכר לימוד, און אויך צאלן נישט אלע עלטערן, איך האף אז דו וועסט נעמען די מצוה, נעמען די עול פון דעם, טראגן די אחריות פון דעם.
פורים ווען עס איז 'נכנס יין' – קומט ארויס די סוד, דעמאלט קען מען זען די שיינקייט פון די תלמידי הישיבה, קיינער רעדט נישט ניבול פה, אלע פרייען זיך, מען האט זיך ליב און מען וויינט און מען שרייט אז מען וויל זיין אן ערליכער איד.