בעזרת ה' יתברך - יום ג' פרשת אמור, ט"ו אייר, כ"ט לעומר, שנת תשפ"ה לפרט קטן
לכבוד מיין טייערער ... נרו יאיר
עס איז א שאד אז דו קויפסט נישט אן אייגענע דירה, א שאד צו צאלן אזויפיל יארן רענט, ווען פאר די זעלבע געלט קענסטו באצאלן א מארטגידזש און האבן אן אייגענע דירה, ווייל וואס טוסטו אז דער בעל הבית פון די דירה מאכט אפ אז ער דארף די דירה פאר זיך און דו בלייבסט אן א דאך איבערן קאפ? (בפרט אז דו האסט אפאר דאלער אוועק געלייגט פאר א דירה).
עס קען אויסזען אינטערעסאנט אז אין היכל הקודש וואו מען רעדט נאר דיבורי תכלית, מען רעדט פון עלמא דאתי, מען רעדט פון תורה ותפילה, זאל מען זאגן 'קויף א דירה', אבער איך קען דיר זאגן וואס מיר האבן מקבל געווען פון מוהרא"ש, מען זאל יא אריינטאנצן אין קויפן א דירה, און מוהרא"ש פלעגט שטופן אינגעלייט צו קויפן, און וואוינען אין אייגענע ד' אמות און זיין פרייליך.
אויך קומט יעצט די הייליגע יום טוב שבועות, זמן מתן תורתינו, זאלסטו אנהויבן צוריק צו לערנען בהתמדה רבה מקרא, משנה, גמרא, הלכה ואגדה, וועסטו זיך בויען אן אייביגע פארמעגן.
גיי יעדן טאג אביסל שפאצירן, אויסרעדן דאס הארץ צום אייבערשטן, וועט דיר זיין גוט בזה ובב