בעזרת ה' יתברך - יום ד' פרשת עקב, י"ז מנחם-אב, שנת תשפ"ד לפרט קטן
מיין טייערער ... נרו יאיר, קרית ברסלב
רפאל רופט מיך פון אפיס אז ער האט נישט קיין פרוטה צו באצאלן די איינגעשטעלטע, און ווען איך הער אז די קאסע איז ליידיג, עס איז נישטא קיין געלט צו באצאלן די איינגעשטעלטע - ווער איך זייער צעבראכן, איך שפיר ווי א בארג פאלט ארויף אויף מיר.
וואס טוט מען דא ווייטער? ווי גייט מען ווייטער מיט די מוסד? אנהויב יאר האסטו מיר געזאגט אז עס איז דא א לאך פון דריי הונדערט טויזנט דאלער, האב איך דעמאלט אראפגענומען פון די מוסד צו דעקן די ארץ ישראל'דיגע מוסד, דאס אליין איז א חשבון פון דריי הונדערט טויזנט דאלער, נאכדעם האב איך אראפגענומען דאס באצאלן ..., אויך האב איך אוועק געגעבן די געלט פון די ... פראגרעם וואס פלעגט גיין אין א פריוואטע קאסע צו קויפן שטחים, יעצט גייט די געלט צו די מוסד, אויך די הכנסה פון קאנטרי אילן החיים גייט פאר די מוסד, און נאכאלץ איז דא אזא לאך...
איך וויל זאלסט אריינקוקן אין די חשבונות, זען וואס גייט פאר, און וואס מען טוט דא ווייטער.
העלף מיר אוועק שטעלן די חדר און בית פיגא אויף די ריכטיגע וועג, מען זאל קענען באצאלן יעדע צוויי וואכן די געהאלט פאר אלע איינגעשטעלטע.
דער אייבערשטער זאל העלפן זאלסט האבן הצלחה אין אלע ענינים.
א כתיבה וחתימה טובה, א גוט געבענטשט יאר.