בעזרת ה' יתברך - יום ג' פרשת קרח, כ"ח סיון, שנת תשפ"ה לפרט קטן
לכבוד ... נרו יאיר
בנוגע אוועקשטעלן א פאנדעישן, געלט פאר מענטשן צו פארן קיין אומאן אויף ראש השנה; מוהרא"ש איז נישט געווען פון דעם קיין חסיד, קוק נאך אין שאלות ותשובות ברסלב (חלק ח, מכתב תתקלז), ווי מוהרא"ש זאגט דארט אז דער רבי דארף נישט קיין באצאלטע סאלדאטן, עיין שם.
אז דו ווילסט עוסק זיין אין צדקה - זאלסטו העלפן די מוסד וואו דו שיקסט דיינע קינדער. איך שטיי און פלאג זיך אזוי שטארק צו קענען צאלן די מלמדים און אלע איינגעשטעלטע פאר 'דיין' מוסד, 'דיינע' קינדער'ס מלמדים; איז וואס זאלסטו נישט העלפן דיין אייגענע מוסד.
זעט אויס מען דארף האבן א זכי' צו העלפן בויען דעם רבינ'ס חדר.
דער אייבערשטער זאל העלפן זאלסט האבן הצלחה אין אלע ענינים.