בעזרת ה' יתברך
יום ב' פרשת אמור, י"ד אייר, פסח שני, שנת תשפ"א לפרט קטן
לכבוד משפחת ... שיחיו, קרית ברסלב, ליבערטי
איך וויל אייך איבערגעבן א גרוס פון אייערע טייערע קינדער; דער מלמד האט מיר געשיקט א באריכט פון די תלמוד תורה, וויפיל זיי לערנען, יעדער פאר זיך - על פי סדר דרך הלימוד פון רבי'ן.
איך זע אז אייער זון, הבחור ... נרו יאיר האט געלערנט במשך די צוויי וואכן, פרשת טהרה און פרשת אחרי-קדושים - א חשבון פון 156 פרקים משניות און 96 בלעטער גמרא, און אייער זון הילד ... נרו יאיר, האט געלערנט 31 פרקים משניות און 138 בלעטער גמרא.
איך בין זייער איבערגענומען פון אייערע קינדער; פון זייער התמדה, פון זייער ערנסטקייט, ווי זיי נוצן אויס זייערע יונגע יארן מיט תכלית, מיט תורה ותפלה.
אויך זאגט דער מלמד אז זיי זענען זייער וואויל, זייער דרך ארץ'דיג.
דער אייבערשטער זאל העלפן איר זאלט זען נאר נחת פון זיי און פון אלע אייערע קינדער און אייניקלעך.