בעזרת ה' יתברך - יום ב' פרשת ויחי, ט' טבת, שנת תשפ"ו לפרט קטן
... נרו יאיר, קרית ברסלב ליבערטי
מיר דארפן האבן מער שייכות, ווען מיר האבן געהאט שייכות ביסטו געווען מער פרייליך, און אז מען איז פרייליך איז אלעס אין פלאץ. אזוי ווי דער רבי זאגט (ספר המדות אות שמחה חלק ב, סימן א): "מִי שֶׁהוּא שָׂמֵחַ תָּמִיד, עַל יְדֵי זֶה הוּא מַצְלִיחַ", ווער עס איז פרייליך שטענדיג, איז מצליח.
בינד זיך צו צום צדיק, דער רבי זאגט (שם, אות צדיק חלק א, סימן קצו): "הִתְקַשְּׁרוּת לַצַּדִּיק הוּא רְפוּאָה גְּדוֹלָה", אז מען בינדט זיך צו צום צדיק איז דאס א גרויסע רפואה; מען ווערט אויסגעהיילט פיזיש און גייסטיש, מען ווערט פרייליך, עס פאלן אוועק אלע דמיונות און חכמות המדומות.
הייב צוריק אן אויסהערן די שיעורים פון ישיבה, רוף אריין די האטליין קול ברסלב און הער די ליכטיגע אמונה שיעורים, די זיסע דיבורים פון רבי'ן, אלעס וועט אויפשיינען, דו וועסט ווערן פרייליך און דיין גאנצע שטוב וועט פרייליך ווערן.
איך בין יעצט אויפן פליגער העכער די וואלקענעס, איך פאר קיין ארץ ישראל מחזק זיין אנשי שלומינו און מתפלל זיין פאר אונז.
קום אריין פון צייט צו צייט רעדן, אפילו דו האסט נישט וואס צו רעדן נאר זיך זען – וועט דיך אויפלעבן.