בעזרת ה' יתברך
יום ב' פרשת צו, ט' ניסן, שנת תשפ"א לפרט קטן
לכבוד מיין טייערער ... נרו יאיר, קרית ברסלב
פארגעס נישט קיין איין רגע די גרויסע חסדים וואס דער אייבערשטער האט געטון מיט דיר. דו האסט זוכה געווען, האסט חתונה געהאט מיט אן אשת חיל; נישט יעדער איז זוכה צו אזא מתנה.
זאלסט האלטן טייער און חשוב די מתנה; זע צו מכבד זיין דיין ווייב, זע צו רעדן שיין צו איר. פיר זיך אויף אין שטוב אזוי ווי דו האסט געלערנט אלע יארן אין ישיבה, פיר זיך ווי א ברסלב'ער חסיד.
ברענג נישט אהיים דעם טעלעפאן, אזוי וועסטו זיך קענען קאנצעטרירן אויף עיקרים בחיים – תורה, תפילה ויראת שמים.