בעזרת ה' יתברך - מוצאי שבת קודש פרשת תרומה, שובבי"ם, ט' אדר א', שנת תשפ"ד לפרט קטן
לכבוד ... נרו יאיר
איך האב ערהאלטן דיין בריוו.
איך וויל דיר פרעגן אויב דו ווייסט אויף וואס מען דארף א גבאי אין א שול, און וואס איז די פליכט פון א גבאי? א גבאי איז נישט צו שולט זיין אויפן עולם און פארטרייבן דעם עולם, א גבאי איז צו געבן די גוטע הרגשה פאר אלעמען, שמייכלען און אריינבלאזן א חיות.
איך ווייס נישט פארוואס דו דארפסט זיך קריגן מיט די מתפללים; אז איינער ברענגט א נייעם טעפל - פארוואס זאלסטו דאס אוועק נעמען און זיך נאריש מאכן?
איך בעט דיר זייער זאלסט מכבד זיין יעדן איינעם און זוכן דאס גוטס ביי יעדן איינעם, א שאד אז ענקער חבורה זאל צעפאלן, זאל ווערן אויס.
דער אייבערשטער זאל העלפן זאלסט האבן הצלחה אין אלע ענינים.