בעזרת ה' יתברך - יום א' פרשת פקודי, א' דראש חודש אדר ב', שנת תשפ"ד לפרט קטן
לכבוד מיין טייערער ... נרו יאיר, קרית ברסלב
זיי מחזק די כולל אינגעלייט זיי זאלן קומען צייטליך. זאג זיי, איינע פון די סודות פון הצלחה, מצליח זיין מיט די לימודים – איז זיין צייטליך. קוק אין די בריוו וואס מוהרא"ש שרייבט פאר די כולל אינגלייט אין יבנאל, אין יעדע בריוו שטייט וועגן שמירת הזמן, קומען אין צייט.
איך טראכט, די לעצטע יאר צייט נעם איך נישט אראפ פון די געהאלט, ווייל איך האב רחמנות געהאט אראפ צו ציפן פון די קליינע געהאלט, אבער איך וועל יא דארפן אראפנעמען אז מען היט נישט די זמנים.
שטארק זיך, גיי ווייטער התבודדות, האב נישט מורא פון די הינט, העכסטנס קענסטו נעמען א מעסער אין טאש, און אז די הינט וועלן קומען צו דיר נאכאמאל דיך בייסן – זאלסטו זיך באנוצן מיטן מעסער, זיך צו קענען היטן.