בעזרת ה' יתברך - יום ד' פרשת שלח, כ"ב סיון, שנת תשפ"ה לפרט קטן
לכבוד מיין טייערער ... נרו יאיר
איך האב ערהאלטן דיין בריוו.
מאך זיך א קביעות יעדן אינדערפרי צו גיין א שפאציר מיטן אייבערשטן, דאס הייסט גיין שפאצירן און שמועסן מיטן אייבערשטן פאר צען מינוט.
איידער דו גייסט אין חדר זאלסטו גיין א שפאציר און שמועס זיך אויס מיטן אייבערשטן, בעט אים ער זאל דיר מקרב זיין צו אים, דערצייל אים ווי שטארק דו ווילסט זיין אן ערליכער איד און ווי דער יצר הרע שטערט דיר.
איך זאג דיר דיין לעבן וועט זיך טוישן צום גוטן, וועסט ווערן א גרויסער צדיק, וועסט באקומען א קלארע אמונה, וועסט ווערן א פרייליכער וכו'.
שרייב מיר יעדע וואך, דאס וועט אויפבויען א שטארקע קשר צווישן אונז.