בעזרת ה' יתברך - יום ה' פרשת במדבר, כ"ט אייר, מ"ד לעומר, שנת תשפ"ד לפרט קטן
מרת ... תחי', לעיקוואד
שטארקט אייך מיט די הייליגע ארבעט פון העלפן ארויסגעבן די וועכנטליכע גליון אין ענגליש, וואס מאכט א גרויסע מהפיכה צווישן די עולם וואס קען נאר ליינען ענגליש, בפרט אין לעיקוואד. חכמינו זכרונם לברכה זאגן (אבות ה, יח): "כָּל הַמְּזַכֶּה אֶת הָרַבִּים אֵין חֵטְא בָּא עַל יָדוֹ", דער וואס איז מזכה מענטשן זאלן ווערן נענטער צום אייבערשטן – ווערט אפגעהיטן פון עבירות און פון אלעם שלעכטס.
נישטא קיין גרעסערע זאך ווי טון אין הפצת ספרי רבינו, ווייל וויפיל מיר וועלן נאר תשובה טון וועלן מיר נישט קענען פאררעכטן וואס מיר דארפן פאררעכטן, האט דער רבי אונז געלערנט אז דורך צוריק ברענגען מענטשן צום אייבערשטן דאס איז אונזער איינציגסטע וועג ווי מער קענען פאררעכטן וואס מיר דארפן פאררעכטן.
דער אייבערשטער זאל העלפן איר זאלט האבן הצלחה אין אלע ענינים.