בעזרת ה' יתברך - יום ג' פרשת אמור, ט"ו אייר, כ"ט לעומר, שנת תשפ"ה לפרט קטן
לכבוד מיין טייערער ליבער ... נרו יאיר
מזל טוב, מזל טוב, איך בין זייער פרייליך אז דו ביסט א חתן געווארן, דער אייבערשטער זאל העלפן דייך שידוך זאל זיין א קשר של קיימא, זאלסט זוכה זיין צו בויען א בית נאמן בישראל מיט ערליכע דורות.
איך דארף נישט קיין געלט פאר שדכנות, איך דארף עפעס מער פון געלט, איך וויל דיר בעטן זאלסט מיר געבן פאר שדכנות – זאלסט מיר זאגן אז דו גייסט האבן א ריינע שטוב, נישט אריינברענגען אין שטוב די סמ טעלעפאן, טעבלעט, קאמפיוטער וכדומה, און אז דו דארפסט האבן די כלים פאר פרנסה זאלסטו דאס האלטן ערגעץ וואו, אבער נישט אין שטוב. מוהרא"ש זאגט, אזופיל שטיבער זענען צוגרינד געגאנגען צוליב אהיים ברענגען אין שטוב די כלים וואס האט אינטערנעט און מאוויס וכדומה, רחמנא לצלן.
אויך דיין כלה וועט זיך פרייען פאר דעם, דו באקומסט אן ערליכע אפגעהיטענע איידעלע קלוגע ווייב, דיין כלה האט א שטארקע תמימות און אמונת חכמים, זי וועט זיך פרייען פאר די זאך פאר שדכנות.
איך וועל זיך פרייען צו הערן פון דיר.
איך בין אין מירון, איך בעט פאר דיר.