בעזרת ה' יתברך - יום ה' פרשת וישלח, י"ד כסליו, שנת תשפ"ו לפרט קטן
לכבוד ... נרו יאיר, קרית יואל מאנרא
ווען עס איז טונקל און שטאק פינסטער איז דא איין עצה; ארייננעמען אין זיך די אמונה, דאס מאכט ליכטיג. אזוי ווי עס שטייט (מיכה ז, ח): "כִּי אֵשֵׁב בַּחֹשֶׁךְ ה' אוֹר לִי", אז איך זיץ אין די טינקלקייט – איז דער אייבערשטער מיין ליכט; איז די עצה - חזר'ן די אמונה, אז אלעס איז לטובה, אלעס איז פאר אונזער גוטס, פאר אונזער תיקון; אזוי ווערט ליכטיג.
אשרינו מה טוב חלקינו אז מיר ווייסן פון א רבי מיט אזעלכע תלמידים וואס לאזן אונז נישט פאלן, א רבי וואס שיינט אריין אין אונז אמונה אפילו מיר זענען אזוי שטארק געפאלן למטה מעשרה טפחים, מיר ליגן ברשות הרבים, במקום הקליפות, בדיוטא התחתונה, אז מיר נידריגע געפאלענע צעקלאפטע און צעפליקטע – זאלן אויך שפירן דעם אייבערשטן, וואס דאס איז די נס חנוכה, אונז אויסצוהיילן און אונז מתקן זיין.
איך בענק זיך צו דיר.