בעזרת ה' יתברך - יום א' פרשת כי תצא, א' אלול, שנת תשפ"ה לפרט קטן
... נרו יאיר
זע צו לערנען דיינע שיעורים חומש, משניות, גמרא וכו'. נאר דאס נעמט מען מיט אויף יענע וועלט, דארט איז א גרויסע רחמנות אויף א נשמה וואס האט נישט געלערנט, דארט איז אנדערש פון דא; אויף די וועלט ווען מען זעט איינעם אן קליידער – קען מען רחמנות האבן אויף אים, מען קען גיין נאך געלט אים צאמשטעלן געלט פאר קליידער, אבער אויבן – זאגט דער רבי (שיחות הר"ן, סימן כג) – איז אנדערש, "בעולם הבא מי שהולך עירום אי אפשר לרחם עליו כלל", דארט איז נישטא קיין רחמנות, נאר דער וואס איז מקורב צום צדיק – "יכול לרוץ", קען לויפן צום צדיק, "וליקח איזה מלבוש", און נעמען א קלייד "להתלבש עליו", זיך אנצוטון.
באניי זיך מיט זאגן משניות, זאג יעדן טאג א פרק משניות מיט א בלאט גמרא אפילו אן פארשטיין, דער רבי זאגט (שיחות הר"ן, סימן עו), מען דארף ביים לערנען זאגן די ווערטער, פארשטיין – דאס קומט שפעטער.