בעזרת ה' יתברך - יום ד' פרשת שלח, כ' סיון, שנת תשפ"ד לפרט קטן
לכבוד ... נרו יאיר, קרית ברסלב
עס איז וויכטיג זאלסט אהיים גיין שבת נאכן דאווענען מאכן די סעודה און נישט בלייבן לערנען אין שול. עס איז נישט גוט און נישט געזונט אז דיינע קינדער זאלן בלייבן אין שול זיך ארום דרייען ליידיג און זיך צו הערן די שמועסן פון די צעבראכענע אינגעלייט וכו', ווי זיי מאכן חוזק פון מיר, פון די קהילה, פון די מוסד וכו' וכו'; בפרט דיינע קינדער זענען שארפע קעפעלעך, און ווען זיי הערן די ליצנות וועט זיי דאס אפקילן פון מקבל זיין יראת שמים און קדושה.
מחנך זיין די קינדער איז גרעסער און הייליגער ווי בלייבן אין שול משלים זיין דיינע שיעורים; לערנען קען מען אויך אין שטוב.
די גרעסטע סכנה איז הערן ליצנות אויף ערליכע אידן.
דער אייבערשטער זאל העלפן זאלסט האבן הצלחה אין אלע ענינים.