בעזרת ה' יתברך - יום א' פרשת ויחי, י"ב טבת, שנת תשפ"ד לפרט קטן
לכבוד מיין טייערער ... נרו יאיר, קרית ברסלב
א גרויסן יישר כח פאר מאכן די מסיבה פאריגע וואך צו קענען העלפן צאלן די מלמדים אין צייט, איך האב זייער הנאה געהאט צו זען ווי די אינגעלייט זענען אלע ווארעם, אלע ווילן העלפן די מוסד מיר זאלן קענען אנגיין און קענען באצאלן די מלמדים.
געב איבער א יישר כח פאר דיין ווייב, די עסן איז געווען זייער גוט, און א יישר כח פארן אוועק געבן די שטוב וכו'.
מענטשן מיינען עס איז א גרעסערע ענין צו העלפן יחידים ווי העלפן מוסדות, עס איז פינקט פארקערט; ווען מען העלפט א יחיד – העלפט מען נאר יענעם, אבער ווען מען העלפט א מוסד – העלפט מען די גאנצע קהילה, די מצוה איז גאר גרויס.