בעזרת ה' יתברך - יום ג' פרשת נח, כ"ט תשרי, שנת תשפ"ו לפרט קטן
... נרו יאיר
מזל טוב פאר די גרויסע שמחה פון די געבורט פון דיין טאכטער, דער אייבערשטער זאל דיר געבן נחת אינאיינעם מיט דיין ווייב געזונטערהייט.
הער נישט אויף דאנקען דעם אייבערשטן פאר די גרויסע חסדים, אז דיין ווייב איז געזונט, און אז דו האסט א געזונט קינד, און אלעס ארום זאל דיר נישט אנגיין. דער סמ"ך מ"ם קען נישט סובל זיין א אידישע שמחה, טוט ער אויסדרייען די קאפ פון די עלטערן, זיי זאלן זיין פארנומען מיט זייטיגע נישטיגע זאכן, אבי נישט זיין פרייליך און אבי נישט געדענקען פון דאנקען דעם אייבערשטן.
זיי שטארק מיט לערנען יעדן טאג א בלאט גמרא, און האלט אן דיין גוטע אויפפירונג פון נישט רעדן אין שול ביים דאווענען.