בעזרת ה' יתברך
ה' פרשת תצוה, י' אדר א', שנת תשפ"ב לפרט קטן
מרת ... תחי'
איך האב ערהאלטן אייער בריוו.
ער קען זאגן פאר זיין טאטע אז איר ווילט אזוי, און איר האט ביידע געפרעגט דעת תורה (מען דארף נישט זאגן וועם), און דעת תורה זאגט אז דאס איז נישט קיין ירידה אין אידישקייט, און שלום על ישראל.
וואס דארף מען אזוי מורא האבן?! מען דארף נאר מורא האבן פונעם אייבערשטן! מען דארף מכבד זיין די עלטערן און מקיים זיין אלע הלכות פון מורא און פון כיבוד, אבער ארום גיין מיט שרעק - איז נישט געזונט.
דער אייבערשטער זאל העלפן איר זאלט האבן הצלחה אין אלע ענינים.