בעזרת ה' יתברך
יום ג' פרשת בא, י"ז שובבי"ם, ב' שבט, שנת תשפ"ג לפרט קטן
לכבוד ... נרו יאיר
רעד צום מנהל פון דיין זון און בעט אים ברחמים ער זאל זיך נישט וויסנדיג מאכן פון די פרט פון די קאפל פון דיין זון. דערצייל אים, אז דו אלס קינד האסטו אויך געהאט די זאך פון וועלן האלטן די קאפל האלבוועגס שיף. ווייל אז ער וועט רודפ'ן דיין קינד וועט דיין קינד באקומען א פיינטשאפט בכלל צו גיין מיט א קאפל.
עס איז דא ביי טייל קינדער און יונגע בחורים א רייץ אויסצוקוקן בעסער, מעשה נערות; מען דארף נישט מאכן קיין עסק פון דעם, מען דארף דער עיקר אויסלויבן דאס גוטס און נישט זיך פארלייגן אויף די אנדערע זאכן.
דער עיקר דארף מען אריינלייגן אין די קינדער א חיות און א פרייליכקייט אין די מצוות וואס מען טוט, אזוי וועלן זיי דאס קיינמאל נישט אפלאזן.
דער אייבערשטער זאל העלפן זאלסט האבן הצלחה אין אלע ענינים.