בעזרת ה' יתברך - יום ה' פרשת יתרו, י"ח שבט, שנת תשפ"ו לפרט קטן
... נרו יאיר
דער רבי האט פאר אונז א וועג, א נייעם וועג, זיך נישט מייאש זיין; אפילו עס גייט אריבער שווערע צייטן – זאל מען זיך שטארקן און זיך נישט נאכלאזן.
אז דו ווילסט ארויסברענגען אין איין ווארט די ברסלב'ע חסידות, איז דאס איין ווארט: "התחזקות", זיך שטארקן און דערהאלטן, און אפילו אלעס גייט מיטן פיטום אראפ, קאפויער – איז מען ווייטער פרייליך, מען זינגט און מען טאנצט.
איך בעט דיר זייער ברודער, שטארק זיך, דראפע זיך און דערהאלט זיך אפילו זאכן גייען פארקערט ווי דו ווילסט, אפילו דו שפירסט זיך א דורכפאל, א נאר, אן אומגעלונגענער, זאלסטו זיך מקשר זיין צום רבי'ן, פאלגן די עצות, ובעיקר זיין פרייליך; וועסטו אלעס דורכגיין בשלום.
גרוס יעדן איינעם אין שול, ווארט נישט מען זאל דיר גריסן, דו הייב אן.