בעזרת ה' יתברך
ערב שבת קודש פרשת ויקרא-זכור, ט' אדר ב', שנת תשפ"ב לפרט קטן
לכבוד מיין טייערער ... נרו יאיר
דער סוד פון שלום בית איז רעדן שיין, רעדן ווייך און געבן גוטע ווערטער. ווען די ווייב זעט ווי איר מאן רעדט צו איר שיין, ווייך און גיסט גוטע ווערטער - וועט זי אלעס טון פאר'ן מאן, זי וועט טון רצון בעלה.
עס איז גרינג צו האבן א זיס לעבן, מען דארף נאר געדענקען די דריי זאכן: "רעדן שיין, ווייך און גיסן גוטע ווערטער".
אז מען טוט נישט דאס, עס פאסט נישט צו רעדן שיין, ווייך, זאגן "איך האב דיר ליב" - דעמאלט הויבט זיך אן די אלע פראבלעמען; די פרוי שפירט ווי דער מאן לויפט נאך וכו' און דער מאן שפירט ווי די ווייב דערווייטערט זיך וכו', השם ישמרינו.
איך בעט דיר זייער, לערן דורך די פאר שורות, קוק וואס דא שטייט; ווייל אין די פאר שורות ליגט דיין ענטפער, דיין ישועה.