בעזרת ה' יתברך - יום ג' פרשת כי תשא, י"ח אדר א', שנת תשפ"ד לפרט קטן
לכבוד מיין טייערער ... נרו יאיר
"ארבעטן ארבעט מען פאר די עבירות, און געלט געבט דער אייבערשטער אומזיסט", אזוי האט דער רבי געזאגט; געלט האט מען נישט מער אויב מען האט נישט קיין קאנקורענט, ממילא דארף דיר נישט שטערן אז האברך ... טוט אויך וואס דו טוסט, ווייל ער קען דיר נישט צונעמען קיין איין פרוטה.
טייערע ברודער, עס העלפט נישט נאכלויפן דעם דאלער. חכמינו זכרונם לברכה זאגן (עירובין יג:): "כל הדוחק את השעה" זאגט רש"י: "מתיגע להעשיר", מען לויפט נאך די געלט, "שעה דוחקתו", ווערט מען צעדרוקט, "וכל הנדחה מפני שעה", און דער וואס גלייבט אז דער אייבערשטער געבט פרנסה, און מען ארבעט פאר די עבירות, "שעה עומדת לו", וועט ער זייער מצליח זיין.