בעזרת ה' יתברך - יום א' פרשת עקב, י"ב מנחם-אב, שנת תשפ"ג לפרט קטן
לכבוד ... נרו יאיר
איך האב ערהאלטן דיין בריוו.
מוהרא"ש זאגט, די ראשי תיבות פון: ש'הכל נ'היה ב'דברו איז ש' נ' ב', די אותיות פון די ראשי תיבות פון הייליגן רבינ'ס נאמען רבינו נ'חמן ב'ן ש'מחה; דער רבי ברענגט אונז מיר זאלן געדענקען 'שהכל נהיה בדברו' - אלעס וואס פאסירט איז פונעם אייבערשטן.
דער רבי בלאזט אין אונז אריין א שטארקע, קלארע, לויטערע אמונה; מיר זאלן זיך נישט פארלירן ווען שוועריקייטן גייען אריבער, מיר זאלן בלייבן גלייבן אז אלעס איז פונעם אייבערשטן פאר אונזער גוטס.
דער רבי האט געזאגט (עיין שיחות הר"ן, סימן ג): "גאט איז גרויס, מיר ווייסן גארנישט".
שטארק זיך מיט אלע כוחות.
דער אייבערשטער זאל העלפן זאלסט האבן הצלחה אין אלע ענינים.