בעזרת ה' יתברך - יום ג' פרשת עקב, י"ח מנחם-אב, שנת תשפ"ה לפרט קטן
צו מיין טייערער ... נרו יאיר
נעכטן בין איך געווען אין קרית יואל ביי די חתונה פון דיין ניס, א תלמידה פון בית פיגא, אויך דער חתן האט געלערנט אין ישיבה. איך האב דארט געטראפן דיין טאטע, הרב הגאון ר' ... שליט"א, ער האט זיך נישט אויפגעהערט צו באדאנקען פאר אלע קינדער און אייניקלעך וואס לערנען אין היכל הקודש. ער האט מיר געזאגט אפאר מאל מיט טרערן אין די אויגן ווי דאנקבאר ער איז ווען ער זעט די יראת שמים און די געפיל און איידלקייט וואס די אייניקלעך האבן באקומען דא אין די מוסדות, עס האט מיר דערמאנט די שיחה פון רבי'ן, וואס ער האט געזאגט: "וואלטן די קיסרין און קעניגן געוואוסט וואס פאר א דרך ארץ איך לערן מיט מיינע תלמידים וואלטן זיי געשיקט זייערע קינדער לערנען ביי מיר".
נאר וואס דען? דער סמ"ך מ"ם האט שוין זיינע שלוחים וואס מאכן א שלעכטע נאמען, רעדן לשון הרע און זענען גורם צו פארשמירן דעם צדיק'ס נאמען, און דאס איז גורם אזויפיל מחלוקת ושפיכות דמים, און דאס איז דער גלות, אז דער צדיק איז פארשעמט, "הַשֹּׁפְכִים בְּקִרְבָּהּ דַּם צַדִּיקִים" (איכה ד, יג).
ווי זאגט מוהרנ"ת אין די בריוו, אשרינו אז מיר זענען נישט קיין מתנגדים אויפן צדיק אמת.