בעזרת ה' יתברך - יום ב' פרשת בהעלותך (שלח בא"י), ט"ז סיון, שנת תשפ"ו לפרט קטן
ישראל שמעון שטיינבערג נרו יאיר
איך וויל דיך מחזק זיין דו זאלסט אנגיין מיט די עבודת הקודש מיטן פארלערנען פאר די בחורים חומש רש"י, גמרא און הלכה. די טעג וואס איך בין אין ישיבה וועל איך פארלערנען גמרא, און די טעג וואס איך בין נישט אין ישיבה זאלסטו פארלערנען אלע דריי שיעורים.
ביי די שיעור פון חומש רש"י זאלסט אריינלייגן אסאך יראת שמים און מידות טובות. רעד צו די בחורים פון שמירת עיניים, בפרט יעצט זומער ווען די גאסן אין שטאט איז אזוי געפערליך – דארף מען זייער אסאך חיזוק אויף היטן די אויגן.
אויך זאלסטו זיי מחזק זיין אז זיי זאלן זיך אכטונג געבן פון נישט ווערן נאכגעשלעפט פון בחורים וואס היטן זיך נישט וכו', חברים איז די וויכטיגסטע זאך פון וואס מען דארף זיך אכטונג געבן, מען זאל זיך חבר'ן נאר מיט חברים וואס האבן יראת שמים, חברים וואס רעדן איידל, חברים וואס האבן אמונת חכמים, וואס האבן נישט קיין שלעכטע זאכן.
זע צו האבן א נאנטע קשר מיט יעדן תלמיד.