בעזרת ה' יתברך
יום ד' פרשת עקב, כ' מנחם-אב, שנת תשפ"ב לפרט קטן
לכבוד מיין טייערער ... נרו יאיר ברסלב, ליבערטי
איך דערמאן זיך צוריק ווען דו האסט געהאלפן עפענען דעם בית הדפוס אין ישיבה, ווי מוהרא"ש האט דיר אזוי ליב געהאט, די נחת רוח וואס דו האסט געמאכט פאר מוהרא"ש, און איך ווייס און גלייב אז יעצט האט מוהרא"ש גרויס פרייד פון אלעס וואס דו טוסט צו העלפן טאג נאך טאג מיט די הדפסה, אז אלעס זאל אנגיין אויפ'ן בעסטן וועג.
מיר דארפן אנהויבן טראכטן פון גיין ווייטער, מען טאר נישט זיין צופרידן, מיר דארפן יעצט אנהויבן דרוקן ספרים מיט הארטע דעקלעך און דאס פארפלייצן אויף די גאנצע וועלט.
אין דעם זכות וואס דו האסט מנדב געווען "אבני היסוד", צו קענען קויפן דעם בנין צו דרוקן די ספרים - זאלסטו זיין אפגעהיטן פון אלעם שלעכטס.