בעזרת ה' יתברך - יום ד' פרשת וירא, י"ב מר-חשון, שנת תשפ"ה לפרט קטן
לכבוד ... נרו יאיר, תלמיד ישיבת היכל הקודש ירושלים
איך האב באקומען אזא שיינע גרוס פון איינע פון די גבאים, אז מען זעט דיך לערנען פארטאגס מיט אזא מתיקות און התמדה, איך האב אזוי הנאה צו הערן.
די יונגע יארן איז די שענסטע יארן. דער הייליגער רבי זאגט (ספר המדות אות תשובה, סימן עג): "הָעַבְדוּת שֶׁאָדָם עוֹבֵד אֶת הַשֵּׁם בְּבַחֲרוּתוֹ כָּל יוֹם, עֶרְכּוֹ יָקָר מִשָּׁנִים רַבּוֹת שֶׁל עֲבוֹדָה לְעֵת זִקְנָתוֹ", יעדן טאג עבודת השם אין די יונגע יארן איז חשוב'ער פון עטליכע יאר עבודת השם אויף דער עלטער.
הער אויס יעדע ווארט וואס דער מגיד שיעור רעדט.
דער אייבערשטער זאל העלפן זאלסט האבן הצלחה אין אלע ענינים.