בעזרת ה' יתברך - יום ב' פרשת כי תצא, ח' אלול, שנת תשפ"ה לפרט קטן
לכבוד מיין ליבער ... נרו יאיר, צפת
איך האב ערהאלטן דיין בריוו.
ביי אונז אין בנין אין אומאן איז נישט צוגעשטעלט צו קענען קומען עסן, די סעודות זענען נאר פאר די וואס שלאפן אינעם בנין.
דאווענען וועסטו קענען מיטהאלטן, די שול איז אפן פאר אלעמען ביי די תפילות, אין די אנדערע זמנים איז דער בנין פארמאכט, עס איז פריוואט נאר פאר די וואס נעמען א בעט דארט.
שטארק זיך און שטארק דיין ווייב, זאג דיין ווייב אז איך ליין אלע אירע בריוו, און אפילו די בריוו וואס ווערן נישט געענטפערט ליין איך, איך בעט פאר איר און פאר ענקער גאנצע משפחה.
כאפ זיך אריבער ביי די הייליגע צדיקים, דער אריז"ל, דער בית יוסף און אלע אנדערע צדיקים. דו וואוינסט דאך נעבן זיי, א שפאן אוועק, קענסטו זיך אריבערכאפן טאג טעגליך. ביי די צדיקים איז אפן די הימלען, די תפילות גייען ארויף זייער שנעל, זיי זיך דארט מתבודד, בעט פאר דיר, פאר דיין ווייב און קינדער, און זיי מיך אויך מזכיר לטובה, יואל בן רייצא רעכיל.
איך ווארט דיך צו זען אין אומאן.
א כתיבה וחתימה טובה, א גוט געבענטשט יאר.