בעזרת ה' יתברך
יום ד' פרשת קרח, א' דראש חודש תמוז, שנת תשפ"ב לפרט קטן
מרת ... תחי'
דער הייליגער רבי זאגט (שיחות הר"ן, סימן צח) תהלים איז א משענת, א וואקער, עלטערע מענטשן גייען מיט א וואקער, א שטעקן - דאס העלפט זיי גיין, זאגט דער רבי אז תהלים איז א שטעקן, א וואקער; עס העלפט אריבערגיין דאס לעבן.
תהלים געבט כח, תהלים ברענגט ישועות, תהלים איז די אותיות: "לִי תְּהֹם" - צו מיר, וואונדער (עיין לקוטי מוהר"ן חלק א', סימן ז); דאס מיינט 'צו מיר וועט פאסירן ניסים'.
מען פלעגט הערן ברסלב'ער חסידים זאגן תהלים, פלעגט מען הערן ווי זיי רעדן צום אייבערשטן אין אידיש, אזוי ווי מען רעדט צו א פריינט; מיט אזא זיסקייט, מיט אזא הארציגקייט, אריינגעפלאכטן די ווערטער פון תהלים מיט די אייגענע בקשות.
וואויל איז דעם וואס זאגט יעדן טאג תהלים און איז זיך מתבודד - דער וועט זען ניסים.