בעזרת ה' יתברך - יום ה' פרשת תרומה, כ"ט שבט, שנת תשפ"ה לפרט קטן
לכבוד מיין טייערער ... נרו יאיר
איך האב דיך שוין לאנג נישט געזען, איך בענק זיך צו דיר, וועל איך דיר שרייבן.
ווי גליקליך זענען מיר אז מיר ווייסן פון הייליגן רבי'ן, א רבי א רחמן, מיט אזויפיל רחמנות און ליבשאפט, ער וועקט אונז אויף פון אונזער שלאף און געבט נישט אויף אונז צו מחזק זיין נאכאמאל און נאכאמאל.
"ווי וואלטן מיר געווען, ווי וואלטן מיר אויסגעזען אנעם רבי'ן, אן די זיסע עצות וואס איז אונז אזוי מחי' ומחזק, און אן זיינע תלמידים..." מיר דארפן דאנקען און לויבן דעם אייבערשטן יעדן טאג אז מיר ווייסן פון רבי'ן, און אז מיר קריגן נישט אויף אים.
איך האף צום אייבערשטן אז דו גייסט אן מיט דיין עבודת השם טראץ אלע דיינע מניעות, ברוך ה' ביי מיר איז דא אסאך מניעות און חלישות הדעת, אבער בזכות דעם רבינ'ס עצות, בזכות די גרויסע הייליגע תלמידים, מוהרנ"ת, מוהרא"ש – שטארק איך זיך.