בעזרת ה' יתברך - יום א' פרשת פנחס, ט"ו תמוז, שנת תשפ"ד לפרט קטן
מרת ... תחי', לאנדאן
איך האב ערהאלטן אייער בריוו.
אויף אייער פראגע, ווי לאנג א שייטל מעג זיין; מוהרא"ש האט שטענדיג געוויזן מיט די האנט אויפן אקסל. מוהרא"ש האט געלערנט די תלמידות פון בית פיגא אין יבנאל נישט צו גיין מיט א שייטל לענגער ווי די אקסל.
מען דארף אויך געדענקען אז מיט תפילה קען מען אנקומען ליב צו האבן צניעות; אז מען בעט דעם אייבערשטן יעדן טאג: "הייליגער באשעפער, ווען וועל איך ליב האבן צו זיין א איד? איך וויל ליב האבן וואס דו האסט ליב, איך וויל פיינט האבן וואס דו האסט פיינט, איך וויל זיך פארעקלען פון וואס דו זאגסט עס איז עקלדיג".
מיט תפילה קען מען אנקומען צו וועלן זיין איידל, שיין און רייך.
דער אייבערשטער זאל העלפן איר זאלט האבן הצלחה אין אלע ענינים.